Roxas City, Capiz – Arestado ang isa ka traysikol drayber sa ginkasa nga buy bust operation sang mga katapo ang Ivisan kag Sigma PNP mga alas 8:40 sang gab-i sa Brgy Santa Cruz sa banwa sang Ivisan.
Ginkilala ang subject person kay Reynan Espinosa, 32-anyos sang Sitio Cabral, Barangay Dayao, Roxas City kun sa diin natigayon nga makuha sa iya posesyon ang lima tanan ka sachet sang suspected shabu, 500 pesos nga buy bust money kag cellphone.
Nahibaluan nga una na nga nadakpan ang amu nga persona bangud sa pagtulak sang druga kag sang tuig-2018 lamang nakaguha sa presohan apang ini ang liwat na naman nga nadakpan.
Samtang yara na nakahunong sa karsel sang Roxas City PNP ang duha ka mag-utod nga babaye nga nadakpan sa ginkasa nga buy bust operation alas 7:20 sang gab-i sa Brgy. Baybay syudad sang Roxas.
Nakilala ang mga subject person nga amo sanday Marvy Apolinario, 31-anyos kag Shyrine Apolinario, 26-anyos ang pang-edaron nga lunsay mga residente sang nasambitan nga barangay.
Narekober sa posesyon sang mga ini ang lima tanan ka sachet sang suspected shabu, duha ka mga cellphone lakip na ang isa ka libo ka pesos nga buy bust money.
Nahibaluan nga ang mga nagkaladakpan nga persona, ang anak sang live-in-partner ni John Laserna nga sadto ang nakapalagyo sa buy bust operation sa Barangay Milibili sang nakaligad nga sinemana.
