TATLO KA NAPILIAN NGA ARBOs, NAGBATON SANG 1.3-M NGA BALOR SANG MAKINARYA KAG FARM INPUTS SUPPORT HALIN SA DAR!

31
Roxas City, Capiz – Pormal na nga gintugyan sang Department of Agrarian Reform (DAR) – Capiz ang 1.3M nga balor sang Common Service Facilities and Farm Inputs Support para sa napilian nga Agrarian Reform Beneficiaries Organization (ARBOs) sa idalom sang Climate-Resilient Farm Productivity Support (CRFPS) project.
Ang mga napilian nga ARBOs amo ang Matagnop Royale Multi-Purpose Cooperative nga nagbaton sa P287,750.00 nga balor sang proyekto; Traciano Farmers Multi-Purpose Cooperative nga nagbaton sang P372,000.00 nga balor sang proyekto kag Lonoy Agrarian Reform Cooperative nga nagbaton sang P668,749.00 nga balor sang proyekto.
Ang amo nga aktibidad ang gintambungan sang pila ka mga opisyal sang mga benepisaryo nga kooperatiba kag mga personnel halin sa DAR – Capiz sa pagpamuno ni Provincial Agrarian Reform Program Officer (PARPO) II Anthony P. Arostique.
Sa iya mensahe, ginsiling ni PARPO) II Anthony P. Arostique nga mangin dako nga bulig para sa mga resipyente ang nasambitan nga mga makinarya para nga labi pa nga mapasanyog ang produksyon sang mga ini kag ang market stability.
Kabug-osan nga 51 ka farm implements ang ginpanagtag kalakip ang isa(1) ka unit sang Incubator Machine, 1 unit Generator Machine, 1 unit Pelletizing Machine, 1 unit Corn Grinder Machine, 2 units Cauldron, 15 pcs Plastic Drum, 1 unit Cultivator Machine, 2 units Re-chargeable Knapsack Sprayer, One (1) unit Power Sprayer, 1 unit Wheel Barrow, 2 units Hand Cart, 10 pcs Fabricated Copra Remover, 10 pcs Karet, 5 pcs Plastic Drum, 2 units Hand Tractor with Trailer, 1 unit Brush/Grass Cutter, kag 1 unit De-husking Machine ang ginpanagtag sa nasambitan nga mga ARBOs.
Facebook Comments