Tatlo ka persona ang nadakpan sa akto ni Police Major Jonathan Pinuela sang PDEU nga nagbaligya sang ila boto sa banwa sang Barotac Nuevo, Iloilo.
Ginpahayag ni Pinuela nga mga alas 5:20 kaina sang hapon samtang nagasakay siya sa iya salakyan sang makalabay sa balay ni Congressman Ferj Biron kon sa diin nakita sini ang isa ka tigulang nga babaye sa guwa sang gate nga nagabukad sang sobre nga may unod nga kuwarta kag sample ballot.
Kasunod sini, duha pa ka lalaki gindakop man nga naguwa sa balay ni Biron nga may bitbit nga mga sobre.
Bangud sini, gindakop ang mga natungdan kag gin-kustodiya sa Barotac Nuevo Police Station.
Ginkilala ang mga gindakop nga sanday Letecia Catalunia, Tolley Tolen, kag Roberto Araquel.
Nahibaluan nga hugot karon nga nagabantay ang kapulisan batuk sa mga politiko nga nagapamakal sang boto kasunod sang madamo na nga mga reports sang buy buying nga nagalab-ot sa PNP.
