Ginpasakaan na sang kaso kriminal kag administratibo ni Police Regional Office 6 Director Brigadier General Rene Pamuspusan ang tatlo ka mga pulis nga nadakpan sa paglapas sa liquor ban sa tunga sang ginapatuman sang Enhanced Community Quarantine bangud sa COVI-19.
Ang mga ini amo sanday Police Staff Sgt. Roy Panaguiton sang Sebaste Police Station sa Sebaste, Antique; Police Corporal Arnie Luminario sang Iloilo City Police Office kag Police Staff Sgt. Paul Pinggoy sang Regional Intelligence Division sang Campo Delgado.
Una nga ginrelieve ang tatlo sa ila puwesto kag assigned karon sa nagkalain-lain-lain nga headquarters Support Unit.
Ginpahatagan pagtamod ni Pamuspusan nga ang pagdakop sa tatlo ka Pulis nagapakita lamang nga wala sang may ginapili ang kasuguan kag wala nia ginatolerar ang indi maayo nga ginahimo sang mga pulis.
Ginpat-od pa sang opisyal nga seryoso ang iya pamunuan sa pagpatuman sang internal discipline sa mga pulis sa Western Visayas bangud wala sang lugar sa PRO-6 ang mga malinapason nga mga kapulisan.
