Roxas City, Capiz – Ginkumpirmar ni Market Administrator Heloisa Mendoza nga tatlo ka mga stalls sa meat section sa TATC ang temporary anay nga ginpasara.
Ini bangud nga nagpositibo sa COVID 19 ang 45-anyos nga lalaki nga tag-iya sini. Ang nasambitan nga persona ang residente sang Barangay Lonoy, Roxas City.
Bangud sini, ginmando snag pamunoan snag TATC nga ipa-untat anay temporary ang pagbaligya sini lakip na ang duha pa gid ka pwesto nga ginapanag-iyahan sang iya utod kag pamilya agud nga malikawan ang posible nga paglapta sang COVID-19.
Ginpahayag dugang ni Mendoza nga bilang adjustment, ginmando sini nga dapat alas singko sang hapon, magasara na ang meat section agud nga makapatigayon sang nagakaigo nga pagdis-infect sa lugar.
Liwat sini nga ginpahanumdom ang publiko nga nagakadto sa merkado nga strikto nga ginapatuman ang pagsuksok sang Face mask kag face shield kag pag-obserbar sang physical distancing.
photo | Eduardo Basilonia
