Arestado ang tatlo ka lalaki nga suspek sa paghimulos sa 12 anyos nga bata nga babaye sa banwa sang Carles, Iloilo.
Ang mga suspek nga naga-edad sang 30 , 18 kag 17 anyos ang lunsay napriso na karon sa Carles Police Station kag magapangatubang sang kaso nga rape.
Suno Kay Police Corporal Apple Jean Soberano sang Women and Children Protection desk sang Carles PNP nga ulihi nga ginhimuslan ang biktima sang Mayo 20 ala una sang hapon kon sa diin ginsulod ini sang mga suspek sa ila balay kag ang 17-anyos nga suspek amo ang naghimulos.
Bangud sa natabu, nanugid ang bata sa iya amay kag pagka-gab-i, sa operation sang mga pulis, natigayon nga madakpan ang mga suspek.
Nahibaluan nga indi yadto ang una nga bes nga ginhimuslan ang biktima kon sa diin ginpahayag nga sa una nga insidente , ang 30 anyos nga suspek ang naghimulos kag sa ikaduha nga insidente, ang 18-anyos naman nga suspek ang naghimulos sa biktima.
