Padayon ang pagsaka sang kaso sang COVID-19 sa Western Visayas.
Ini matapos nadugangan naman sang tatlo ka bag-o nga kumpirmado nga kaso ang listahan sang DOH-6 sa mga nag-positibo sa balatian.
Sa COVID-19 case bulletin number 79 nga ginpaguwa sang DOH-6 sini nga Hunyo 13, 2020, naglab-ot na sa 140 ang kumpirmado nga kaso sang COVID-19 sa rehiyon.
Ang mga ini amo ang patient WV 138 nga taga-Bacolod City, isa ka babaye, 35 anyos ang edad kag naka-facility quarantine; WV 139 nga taga-Pulupandan, Negros Occidental, isa ka babaye kag 63 anyos nga naka-facility quarantine kag si WV 140 nga taga-Kabankalan, Negros Occidental, isa ka 50 anyos nga lalaki kag naka-facility quarantine.
Ini sila ang lunsay mga OFW repatriates nga nagpauli halin sa Metro Manila.
Samtang, yara sa gihapon sa 100 ang mga naka-recover, 11 ang mga napatay kag 29 ang active cases.
