Tatlo katao ang sugatan sa naganap na pananaga ng isang sisentay singko anyos na lalaki sa bayan ng Asingan.
Nakilala ang mga biktima na sina Elizabeth Basil, Jeroed Basil at Jessa Estoril habang ang suspek naman ay nakilalang si Marcelino Estoril, kapatid ng biyenan ng isa sa mga biktima.
Naganap ang pananaga pasado alas Sais ng Gabi sa Brgy. San Vicente West habang nasa isang barbecuehan ang mga biktima nang dumating ang suspek at agad na pinagtataga ang mga ito.
Naganap ang pananaga pasado alas Sais ng Gabi sa Brgy. San Vicente West habang nasa isang barbecuehan ang mga biktima nang dumating ang suspek at agad na pinagtataga ang mga ito.
Nagtamo ng sugat sa may beywang sina Elizabeth at Jessa habang kaliwang paa naman ang sugat ni Jeroed.
Agad naman naisugod sa pagamutan ang mga biktima at patuloy na inoobserbahan habang naaresto ng mga pulis ang suspect kasama ang panabas na ginamit nito sa pananaga.
Napag alaman sa imbestigasyon na lumang alitan ang ugat ng pananaga kung saan ay may alitan na noon pa ang suspek at kapatid nito na biyenan ng isa sa mga biktima. |ifmnews
Facebook Comments
