CAUAYAN CITY – WASAK ANG HARAPANG BAHAGI NG TRACTOR HEAD NG DALAWANG TRAILER TRUCK KABILANG ANG ISANG MOTORSIKLO MATAPOS MAGBANGAAN SA BRGY. SAN LUIS, ROXAS, ISABELA NITONG IKA-13 NG DISYEMBRE 2025.
KINILALA ANG DRIVER NG ISANG TRAILER TRUCK NA SI ALYAS “ROY” NA RESIDENTE NG BRGY. DEL PILAR, CABATUAN, ISABELA, DRIVER NG ISA PANG TRAILER TRUCK NA SI ALYAS “RON” AT ANG KANYANG KASAMA NA SI ALYAS ” ANNA” PAWANG RESIDENTE NG BRGY. GULAC, DIFFUN, QUIRINO, AT ALYAS “BONIE” AT “MIKE” NA RESIDENTE NG BRGY. SAN JUAN, AURORA, ISABELA, SAKAY ANG YAMAHA AEROX.
SA NAKUHANG IMPORMASYON NG IFM NEWS TEAM SA ROXAS POLICE STATION, PATUNGONG GAMU, ISABELA ANG ISANG ISUZU TRUCK NA MINAMANEHO NI ALYAS “ROY” NANG PUMASOK ITO SA KABILANG LINYA AT BUMANGGA SA HARAPAN NG ISA PANG ISUZU TRUCK NA MINAMANEHO NI ALYAS “RON” SAKAY SI ALYAS “ANNA” NA KASALUBONG NITO.
DAHIL SA LAKAS NG IMPACT, NADAMAY RIN ANG ISANG YAMAHA AEROX NA MINAMANEHO NI ALYAS “BONIE” KASAMA SI ALYAS “MIKE” NA NASA LIKURAN NG IKALAWANG TRUCK.
NAGTAMO NG SUGAT ANG MGA SAKAY NG DALAWANG TRAILER TRUCK HABANG LIGTAS NAMAN ANG MGA SAKAY NG MOTORSIKLO.
AGAD RUMESPONDE ANG RESCUE 333 AT DINALA SA MANUEL A. ROXAS DISTRICT HOSPITAL ANG MGA SUGATANG INDIBIDWAL PARA SA AGARANG GAMUTAN.
PATULOY NAMAN ANG IMBESTIGASYON NG PULISYA UPANG MATUKOY ANG EKSAKTONG SANHI NG INSIDENTE.
