Davao City – Gibarugan sa Philippine National Police (PNP) nga sila usa ka unique organization diin ginakonsidera nila nga gidili kun ‘taboo’ ang pagpapatik ug tattoo sa kalawasan.
Sa ekslusibong interbyu kang PNP spokesperson Chief Supt. John Bulalacao sa tulumanong ‘Straight to the Point’, gitataw niini nga kaniadto pa aduna nay ginasunod nga mga standards sa parehong appearance ug behavior.
“Kapag may papasok na pulis kasi, ang requirement ng health service is to have it erased,” segun ni Bulalacao.
Gipasabot niini nga dili maayo tan-awon ang usa ka pulis nga adunay tattoo samtang nagsul-ob og uniporme.
Mao usab kini ang gipamahayag ni Police Regional Office (PRO-XI) spokesperson P/Chief Insp. Milgrace Driz diin iyang gisaysay nga usa kini ka distinction sa PNP gikan sa kinabuhi sa usa ka sibilyan aron usab dili mawala ang respeto sa katawhan ngadto sa atong mga awtoridad.
Gawas niini, gi-welcome sa duruha ka mga opisyal sa PNP ang proposed legislative measure ni Davao City Representative Karlo Nograles kabahin sa pag revisit sa ‘tattoo ban’.
RadyoMaN Jason Amisola
