Idol trending karun sa twitter ang post ni twitter user @sakyrahhh nga nagpakita sa iyang ngilngig nga tattoo.
Di lang kini basta kay ordinaryo nga tattoo apan gipatatoo ni @sakyrahhh ang soundwave sa voice recording sa iyang lola. Sulod sa voice recording ang ulahi nga mensahe sa iyang lola sa iyang birthday sa wa pa kini namatay.
Gamitan kini og usa ka special app sa android or i phone nga susama og function sa QR code scanning.
Human ma scan ang soundwave automatic kini nga mo play sa application.
Para kang @sakyrahhh, mao kini ang paagi niya sa iyang paghandum sa iyang lola nga mingtaliwan na niining kalibutana. Espesyal sa iyang kasing-kasing ang iyang lola tungod kay siya ang labing unang apo ini, maong close kaayo sila niadtong buhi pa kini.
Ikaw idol? Kaya pud ba nimo ning buhaton aron paghandum sa imong mga minahal sa kinabuhi?
