Davao City – Gibutyag ni Physician ug Psychiatrist Dr. Rene Obra, atol sa pakighinabi sa DXDC RMN Davao sa Serbisyong Medical sa Straight to the Point, nga ubos ang tsansa nga maghunos ang usa ka tawong ‘in a relationship’ status kon itandi sa mga tawong nag-inusara.
Kini subay sa paghisgot ug paghinumdom sa World Mental Health Awareness sa bulan sa Oktubre.
Dugang ni Obra nga, sumala sa pagtuon, ang mga single, divorced ug separated ang sagad adunay mental health concern nga mosangpot sa paghunus sa kinabuhi kon itandi sa mga adunay partner nga mosuporta ug makatambag nga mopadayon.
Busa, nagpahinumdom si Obra sa katawhan nga kon adunay problema o mental health struggle, importante nga mag-ampo ug mangita og miyembro sa pamilya o higala sa komunidad nga dili judgmental ug marites, kinsa andam nga magsimpatya ug maminaw.
Gani, giawhag sab nga mokonsulta sa eksperto aron magiyahan sa mga angay ug saktong pagabuhaton.
RadyoMaN Kareen Beltran
Facebook Comments
