By: Edgar T. Dagumo
Dipolog City- Wala kaoyon si Mr. Rudy Arpon kanhi Care for the Earth Program Coordinator sa Diocese of Pagadian sa exlusive interview niini sa Straight to the Point ganihang buntag.
Makuyaw ang nahisgutang balaod ingon pa niya sa iyang paghulagway kay ang mga kabus iduot sa pagkakabus samtang ang mga datu mosamot pagkadatu.
Kay sigon sa unod sa Tax Reform for Inclusion and Acceleration (TRAIN) ni bisan kinsang mga mamumuo ug mga kawani nga nag income ug P250,000 matag tuig ang makapahimulos sa libreng buluhisan ug 10 milyones ka mga pamilya ang makadawat ug P200 matag bulan nga cash assistance gikan sa kagamhanan sa tuig 2018 ug P300 sa 2019 ug 2020 niadtong matudlo nga pinaka pobre nga pamilya .
Apan dili kini mamahimong basihanan nga magmaya ang katawhan sanglit kastigo kini alang sa mga kabus kay dako ang kahigayonan mag-antos ra usab ang katawhan sa pagsaka sa presyo sa mga palaliton.
Ingon pa ni Arpon nga “given” ang sitwasyon kay bisan unsaon ang mga minimum earner dili makalingkawas sa posibling pagmahal sa presyo sa mga palaliton sanglit ang mga negosyanti ilang e-pass-on ang presyo sa mga produkto ngadto sa mga consumante nga kon sutaon mas daghan ang ihap sa mga consumante nga minimum earners.
Sa iyang pag-analisar nga wala gayod nasala pag-ayo sa gitawag nga mga economic tigers ni pamuno Duterte sa palasyo kay kon itandi sa wala pa ang maong balaod daan nang nagbuhis ang mga kawani apan mas dako pa unya ang ilang kalbaryo kon magmahal na ang mga basic and prime commodities gumikan niining Tax Reform Law.
