Davao City – Dili angayang patas-an ang renta sa mga taxi units tungod kay ala-ot lamang ang mga drivers.
Sumala ni City Transport and Traffic Management Office (CTTMO) Operations Officer Bonifacio Capricho Jr., lu-oy ang mga driver tungod kay dugang kalbaryo kini alang kanila tungod kay gipasa sa operator kanila ang pagbagu sa hataas nga renta.
Sugyot ni Capricho sa mga operators nga kung mahimo, sabton pud nila ang kahimtang sa mga drivers ug dili na lang patas-an ang renta gilayon.
Matud ni Capricho, angay usab nga masinabtanon ang mga operators kay lisud ang panahon tungod sa mahal nga mga palaliton.
Giingon pa niya nga huna-hunaon pud sa mga operators nga ang mga drivers dili sama nila nga daghan ug kakuhaan sa matag adlaw nga galastohan.
RadyoMaN Bernard Pantallon
