Davao City – Duha ka kaso ang gi-file sa Maa Police Station sa korte niadtong sabado (October 8, 2022) batok sa taxi driver nga si Mark Anthony Cabillon, 30 anyos, driver sa Krizia Taxi.
Kini subay sa saysay ni PMSg Noel Burden, ang investigator sa Maa PNP human nahinabi sa DXDC RMN Davao.
Segun ni Burden, ang maong taxi driver nag-atubang og kasong unjust vexation ug false reporting Violation of article 183 Revise of Penal Code.
Kahinumduman, ang maong taxi driver ang misumbong sa kapulisan kay giingong gitulis sa duha niya ka pasaherong lalaki pinaagi sa pagtion sa hinagiban ug gikuha ang iyang kita nga mobalor og P3,700.
Subay sa imbitigasyon sa kapulisan, nasayran nga way nahitabong tulis ug puro bakak lamang ug miangkon kini sa dihang gisukit-sukit sa mga awtoridad ug miangkon nga nahurot ang iyang kita tungod sa sugal.
RadyoMaN Don Pulayao
Facebook Comments
