Wa molampos ang nagbinugtong nga tulisan nga gustong mobiktima unta sa usa ka taxi driver sa Candarong Pulangbato bukirang barangay sa dakbayan sa Sugbu.
Ang drayber nga si Rolly Tampus , 37 anyos ug taga Maguikay sa dakbayan sa Mandaue gisakyan sa tulisan nga wa pa nailhi hangtud karon , gikan sa Barangay Tawason kay magpahatud sa usa ka destinasyon .
Nagmaneho si Tampus sa Holiday taxi nga adunay plaka nga GXG 427.
Matud ni SPO2 Reynold Malazarte sa Talamban Police Station ,kalit lang gitionan si Tampus sa suspek gamit ang kalibri 38 nga revolver aron unta tulison .
Apan si Tampus wa maratol ug nakamaneho pa sa pag-ilog sa armas sa suspek ug nigamit sa iyang screw driver aron pagduslak niini sa lain laing bahin sa lawas sa suspek .
Daling nakalayat ang suspek gikan sa taxi nga gitohoang samaran sa iyang lawas .
Ang kapolisan nagsusi karon sa labing dool nga tambalanan kung wa ba didto magpatambal ang suspek .
