Taxi driver gikalipay ang P70 flag-down rate kun iduso usab sa Davao Region

Gikalipay ni Mario Lamida, 63 anyos, usa ka taxi driver ang 70 pesos nga sugyot sa flag down rate sa taxi nga giduso una didto sa Ilo-ilo City sa Land Transportation Franchising and Regulatory Board.

Sumala ni Lamida nga bastante na ang 70pesos nga flagdown rate sa kasamtangan nga 40pesos nga maoy gisunod sa mga taxi driver dinhi sa syudad sa Dabaw.

Matud sa taxi driver nga lisud na kaayo karon ang pamasada sa taxi tungod sa kamahal sa gasolina unya ang boundary wala paubsi sa mga operator ug taxi.

Gihimong ehemplo niini ang iyang ginansya kagahapon nga 250pesos lamang diin nagsugod siya sa pagpamasada alas siete sa buntag hangtud alas nueve sa kagabhion gumikan sa kamahal sa gasolina ingun man ang pagminus sa pasahero tungod kay daghan na usab ang mga namasahering taxi ning dakbayan.

Busa kun iduso kuno ang 70 pesos nga flag down rate makasapar nga kini sa padayong nagsaka sa presyo sa gasolina diin ang unleaded hapit na muabot sa 70 pesos matag litro.
RadyoMaN Erin Lumosbog