Davao City – Nagpatabang sa Talomo police ang usa ka taxi driver human gikulata tungod kay wala kabayad sa iyang arkila sa taxi.
Sa blotter sa Talomo PNP, mireklamo mao si Marlo Tingal, 23 anyos, nagpuyo sa Matina Davao City, taxi driver, human gikulata sa ilang manager nga si alyas Datu alas 8:00 ang takna sa kabuntagon.
Gibutyag sa biktima nga samtang iyang gigarahe ang iyang taxi unit sa Times Beach Matina Aplaya, nasuko ang iyang manager tungod kay napakyas siya sa pag remit sa boundary nga kantidad 1,800 ka pesos.
Nakahiagom og dili tiaw nga bun-og ang biktima human gimandoan usab sa ilang manager ang mga carwash boy nga tabangan siya pagkulata.
Nagpa-alim sa iyang mga bun-og ang biktima sa balay-tambalanan samtang gipakuha kini’g medical cetificate aron iyang magamit sa pagpasaka’g kaso batok sa mga respondent.
RadyoMaN Erin Lumosbog
