Davao City – Midangop sa Tugbok PNP ang usa ka pasaherong taxi driver tungod kay nabiktima sa pagpangu-ot sa iyang gika-date nga GRO.
Mireklamo sa Tugbok PNP, si alyas Benjie, 49 anyos, taxi driver, nagpuyo sa Toril Davao City human mahanaw ang iyang kwarta sulod sa iyang pitaka kay gikuot sa GRO nga iyang gikasabot nga magsalo sa lawasnong kalipay.
Gibutyag sa biktimang taxi driver nga gikan sa Toril misakay sila ug taxi alas 3:00 sa kaadlawon aron kuhaon una ang anak sa GRO sa Mintal ug mubalik sa Dacoville aron didto sila magtagay sa lawsnong kalipay sa aparment sa GRO.
Apan nakatulog si alyas Benjie samtang nagdagan ang taxi ug mao na lamang iyang namat-an nga giukay na sa GRO ang iyang pitaka.
Sa dihang nakamatngon si alyas Benjie nag-ilog sila sa pitaka sa GRO rason usab nga mihunong ang ilang taxi nga gisakyan ug kalit nga milukso ang suspek dagan sa ngitngit nga direksyon sa Mintal Davao-Bukidnon Road.
Nabinlan nalamang og 70 pesos si alyas Benjie kulang pa nga ibayad sa 300 pesos nga patak sa taxi.
RadyoMaN Erin Lumosbog
