Davao City – Mireklamo sa Sta. Ana PNP ang usa ka babaye sa dihang wala kini gihatod og tarong sa iyang nasakyan nga taxi ngadto sa iyang destinasyon.
Base sa record sa Sta. Ana PNP, complainant nagpaila nga si Ellen Nay Manila Tunga, 29 anyos, residente te sa may NCCC village, Bajada ning syudad sa Davao.
Sumala pa sa report nga bandang alas 9 sa kagabhion, misakay kuno ang maong babaye gikan sa Boulevard area ug magpahatod sa ilaha sa may Bajada kuyog ang iyang usa ka tuig nga anak apan sa dihang padulong na sila sa ilang destinasyun, naglalis ang duha ug nagsige na og pamalikas ang driver ug misangpot sa gipakanaog niini ang pasahero bisan pa nga wala pa naabot sa destinasyun.
Tungod wala maka angay ang maong pasahero sa gihimo sa wala mailhing driver, iya na lang gipatala ang maong insidente sa nasangpit nga Presinto.
Dugang pa niini, wala kuno makuha sa complainant ang pangalan sa taxi driver tungod wala niya nakita ang ID Placard sulod sa taxi apan iyang nakuhaan ang plaka niini nga mao ang LWZ 771 gani ang maong kaso gisaka usab ngadto sa Land Transportation Office (LTO XI).
RadyoMaN Paul Canono
