Gimultahan ug P14,000 sa Land Transportation Franchising and Regulatory Board-7 ang usa ka taxi driver nga gireklamo sa usa ka senior citizen nga nipakanaug niya sa sakyanan .
Si LTFRB-7 Regional Director Ahmed Cuizon nibutyag nga ilang gipatawag ang taxi driver nga si Norman Enojada ug ang operator sa gimaneho nga Dr. J Taxi nga si Jose Arranguez , aron ikaatubang ang nireklamo nga usa ka 88 anyos nga si Inday Venamera .
Si Venamera kauban sa iyang anak nakasakay na sa gireklamo nga taxi taliwa sa kusug nga uwan , apan gipakanaug sila sa driver nga si Enojada tungod sa kabalaka nga madaut ang makina sa sakyanan sa pagtoo nga mobaha ang destinasyon sa pasahero .
Ang insidente nagviral sa Facebook ug nakakuha sa atensiyon sa LTFRB-7 , hinungdan nga giaksiyonan dayon kini sa ahensiya.
