Davao City- Arestado sa mga kapulisan sa Talomo ang suspek nga mao si Alfonso Rabi 32 anyos Taxi Driver residente sa Times Beach Davao City human maaktuhi nga nagdala ug .38 nga revolver sulod sa garahian sa Matina aplaya alas 8:30 sa kabuntagon.
Sa blotter sa Talomo Pnp, mireklamo si Carlito Ligan , 46 anyos Taxi Driver, nagpuyo sa Bucana Barangay 76-A, Davao City tungod kay giaksyonan ug pusil sa suspek sa dihang nagka lalis tungod sa ilang trabaho.
Nidagan ang biktima palayo sa suspek ug misumbong sa Talomo Sub Station sa Matina Aplaya ug mirespondi ang kapulisan nga miresulta sa pagkasikop sa suspek.
Narekover sa mga pulis ang .38 nga revolver ug walay gikapakita nga dukumento ang dinakpan nga legal ang iyang paghupot sa maong armas de fuego.
Kasamang Erin Lumosbog
