Davao City – Mireklamo ang duha ka mga babaye sa San Pedro PNP sa dihang gisibatan sila sa taxi driver nga nakabangga kanila.
Mga complainant naila nga sila si Christine Zokal Bejasa, 20 anyos ug si Maria Lacatango Reyes, 60 anyos.
Sumala pa nga samtang nitabok sila diha sa may dalang Torres, nabanggaan kuno sila sa usa ka Nissan Sentra Holiday Taxi nga dunay body number 2323 bearing plate number LXD 956 nga gidrayban ni Arnel Montes Panamogan,residente sa may Dumalag Matina Aplaya ning siyudad.
Matud nga gidala pa sila sa pinakaduol nga tambalanan ug misaad nga abagahon niini ang tanang galastuhon sulod sa hospital apan sa pag kwenta na sa bayronon wala na kuno mitumaw ang taxi driver ug sa pagtawag niini mirason ang driver nga wala kuno siyay tulobagon kay wala may police report hinungdan nga nadismaya ang mga biktima.
Gipatala gilayon sa mga complainant ang maong insidente sa San Pedro PNP ug dala nila ang xray result nga nakaangkon og bali sa walang bahin sa iyang tiil.
Gipasa na ngadto sa Land Transportation Office kun LTO ang maong kaso ug ginapangita na ang taxi operator ug ang taxi driver aron iyang mapaklaro iyang kaugalingon ug patubagon sa mga sumbong batok sa driver.
RadyoMaN Paul Canono
