Davao City – Makatabang sa dagan sa trapiko sa syudad apan makatapulan sa mga driver sa higayong wagtangon na ang boundary system sa arkila sa mga taxi units ug himoon nang sweldo matag bulan.
Una gipasabot ni Bonifacio Capricho, Operations Chief Sa City Transport And Traffic Management Office (CTTMO) kung sweldo na ang dawaton sa mga drivers, kinahanglan adunay quota aron dili magtinapulan ug ikaduha, makatabang kini sa dagan sa trapiko tungod kay mamenosan ang mga sakyanan sa kadalanan.
Apan gipasabot usab ni Capricho nga dakung benepisyo ang madawat sa mga drivers tungod kay bisan og dili sila makabiyahe, aduna naman silay madawat matag bulan nga sweldo.
Nagtoo usab ang Operations Chief sa CTTMO nga dili kini makaya sa mga operators ilabina sa mga gagmay lang ug unit ang paghatag og sweldo sa ilang mga drivers.
Sa pikas bahin, supak si Capricho nga himoong monthly salary inay boundary system tungod kay dunay mga driver nga kugihan.
RadyoMaN Bernard Pantallon
