Davao City – Posible dawaton sa mga taxi companies ang sugyot nga wagtangon ang boundary system ug hatagan na lamang og binulan nga sweldo ang mga taxi drivers.
Kini ang lantaw ni Maro Taxi Radio Operator Jovy Libria nga posibleng ikunsidera sa mga taxi companies ang pagtanggal sa boundary system ug sweldohan na lamang ang mga taxi drivers.
Suma ni Libria, anaa kanunay sa kasingkasing sa mga taxi companies ang ikaayo sa ilang mga taxi drivers sama daw sa tag-iya sa Maro Taxi Company nga pagtabang ug kaayohan sa mga drivers ang giisip.
Gipanghambog ni Libria nga sa ilang company ang tanan nilang regular nga mga drivers kumpleto og mga benepisyo sama sa SSS, Philhealth, ug Pag-ibig gawas lang sa kadtong ga-extra lang og maniho.
Gipasabot sa Radio Operator, bisan og walay Employer-Employe relationship nagtali sa tag-iya ug sa driver apan naghatag gihapon og bepenisyo ang ilang kumpanya sa ilang mga drivers.
Sa bahin ni Libria, dunay ihatud nga maayong benepisyo ang paghatag og regular nga salary sa mga taxi drivers kay sa kasamtangan nga praktis nga boundary system.
Apan kun si Libria ang pasultihon, dili maayo nga wagtangon ang boundary system ug pa-undayonan ang regular nga sweldo sa punto nga mas dagko man og income ang taxi driver kun abang lang.
Gawas niini, kung boundary system dili man gud makahunahuna og binuang sa pamasada ang mga drivers tungod sa apasunon nga bayrunon sa arkila sa unit matag adlaw.
Apan kun ipamugos ang regular salary sa tanang public utilities dunay dakung purohan nga magbagdoy-bagdoy sa pamasada ang mga taxi drivers.
RadyoMaN Joel Viray
