Davao City – Husto lang ang pagpatuman sa taxi fare hike sa entero nasud Pilipinas karong tuiga.
Kini ang gibatbat ni Department of Transportation (DOTr) Assistant Secretary Elvira Medina atol sa programang ‘Straight to the Point’.
Sumala kang Medina, duna na silay pakigpulong nga gihimo kauban ang Land Transportation Franchising and Regulatory Board kun LTFRB ayha pa man gipatuman ang pagtaas sa pletehan sa taxi.
Dugang sa kalihim, niadtong tuig 2008 pa ang ulahing pagpasaka sa pletehan sa taxi.
“Marami namang kaibahan sa mga taxi ngayon, wala ng mga non-aircon at marami nangg namuhunan sa mga bagong units kahit mataas na ang presyo ng gasolina so justified naman ang taxi fare,” segun ni Medina.
Sa pikas bahin, nagpahimangno usab si Medina ngadto sa commuters nga ireport gilayon ang mga ‘Isnaberong’ taxi drivers kun mga drivers nga nagapangutana kung asa ang destinasyon tungod matud pa ang pasahero dunay (gahum/katungod) nga muingon sa driver kung asa siya buot muadto.
Gani karong katapusan sa Pebrero, di na kinahanglan mubayad sa long distance call ang commuters sa 7890 hotline aron makasumbong sa ilang mga reklamo diin kini ang bag-ong innovation nga gilusad sa DOTr alang sa dali nga pagresolba sa problema sa mga commuters.
RadyoMaN Renz Barbarona
