Davao City – Gikalipay og daku uyamot ni Davao City Mayor Inday Sara Duterte-Carpio ang gipakitang inisyatibo sa mga taxi operators nga makaduso og usa ka taxi-hailing mobile application dinhi sa syudad sa Davao.
Nagpasalamat ang mayor gumikan gipaminaw sa maong sektor ang request niini atol sa iyang State of the City Address (SOCA) diin iyang gihagit ang mga taxi operators nga magmontar og mobile app aron proteksyonan ang mga pasahero gikan sa mga abusadong drivers, makapaminaw sa mga suhestyon ug reklamo gikan sa riding public ug haron ma-improba ang serbisyo sa mga taxi.
Niadtong Oktubre 22, gipirmahan na sa Metro Davao Taxi Operators Association, Inc. ug mobile application developer nga Transwealth Fleet Management Corp. ang usaka Memorandum of Agreement (MOA).
Ubos sa maong kasabutan, upat ka semana gikan sa pagpirma niini i-test na gilayon sa mga taxi operators ang maong taxi app aron masulayan ang ka-epektibo niini.
RadyoMaN Renz Barbarona
