Asegurao ya el prinsipio del taxi operation aqui na ciudad de Zamboanga.
Na entrevista na RMN Zamboanga enantes aga con el Chairman del Asias Latin City Transport Cooperative (ALCTC) Jerson Monteverde, en tiempo si acavao ya ofrece el Departamento de Turismo con el diila accreditation desdel tal oficina, hay fuede ya man pasada el kinse unit del taxi que parte del cingcuenta primer brand new units que esperansao man viaje na ciudad.
Si Monteverde ya abla cay initialmente, na sentro del feublo anay el diila concentraccion del operasyon y en tiempo si cumpleto ya el diila mga unit que ya man loan na bangco, hay fuede ya tambien sila destribuji coneste na entero ciudad.
Considerando que hinde limitao na ciudad el dial frankiza del operaccion, el mga taxi del ALCTC hay fuede tambien endereza para na masquin donde provincia na entero rehiyon nueve como parte del diila frankiza.
Na Domingo (February 10) hay conduci el launching del ALCTC taxi na ciudad pormedio del un motorcade desdel Pasonanca Park para na sentro del fueblo, donde desfues hay chene “free ride” na sentro del fueblo para con el mga nuevo taxi. – *Bhong Simbajon/RMN News*
