Davao City – Angayan lang ipailawom sa recalibration ang metrohan sa mga taxi sa syudad tungod kay nangayo sila og increase sa pletehan.
Sumala ni South Eastern Mindanao Diversified Drivers and Operators Cooperative (SEMDDOC) chairman Manuel Duran, plano usab sa mga taxi nga butangan ug CCTV aron mamonitor kung asa sila ug kinsa ilang pasahero.
Hinoon giklaro ni Duran nga ang epekto sa taas nga pletehan sa taxi mag-agad lang man kini sa pasahero.
Matud niya kung gimahalan sa taxi ang pasahero posibleng dili siya mosakay tungod kay dunay PUJ nga barato lang.
Hinoona dunay uban nga nagdali ug dili gustong madisturbo sa pagsakay mao nang magtaxi.
Apan gitataw usab ni Duran nga kining usbaw sa pletehan sa taxi adunay epekto sa sumasakay tungod kay mahal apan kining tanan mag-agad lang gihapon sa pasahero tungod kay dili sila mapugos sa pagsakay sa taxi.
RadyoMaN Bernard Pantallon
