CAUAYAN CITY – INAANYAYAHAN NG CITY HEALTH OFFICE III ANG PUBLIKO NA MAKIBAHAGI SA TB KONSULTA CARAVAN NA GAGANAPIN NGAYONG ARAW, IKA-20 NG AGOSTO SA KANILANG OPISINA SA BRGY. NUNGNUNGAN II, CAUAYAN CITY, SIMULA ALAS-8 NG UMAGA.
TAMPOK SA CARAVAN ANG IBA’T IBANG SERBISYO TULAD NG CHEST X-RAY, SPUTUM TESTING, BLOOD TEST, HIV COUNSELING AND TESTING, AT MARAMI PANG IBA.
HINIMOK NG LOKAL NA PAMAHALAAN ANG MGA RESIDENTE NA MAGPALISTA SA KANILANG BARANGAY HEALTH STATION UPANG MAKASAMA SA PROGRAMA.
ANG AKTIBIDAD AY BUKAS PARA SA LAHAT, LALO NA SA MGA NAIS MASURI AT MABIGYAN NG TAMANG IMPORMASYON UKOL SA TUBERCULOSIS.
SA PAMAMAGITAN NG PAGKILOS NG KOMUNIDAD AT SUPORTA NG KABATAAN, LAYON NG PROGRAMA NA MAPABILIS ANG PAGSUGPO SA TB AT MAISULONG ANG ISANG MAS MALUSOG NA HINAHARAP PARA SA LAHAT.
