Davao City – Naka alerto ug wala gihapon nag kumpyansa ang Davao City Disaster Risk Reduction Management Office (CDRRMO) bisan pa man wala ni-igo ang Tropical Depresssion Amang dinhi sa dakbayan.
Sumala ni CDRRMO head Alfredo Baluran, walay namonitor nga pagbaha dinhi sa syudad apan ilang ginatutukan ang mga lugar sa Marilog, Paquibato ug areas paingon sa Bukidnon gumikan posible kining maapektuhan sa kusog nga pag-ulan.
Segun ni Baluran nga kanunay aktibo ug nakabantay ang mga Barangay Disaster Risk Reduction Management Council (BDRRMC) ingon man mga volunteers kinsa kanunay naga update kanila.
“As early as possible naga hatag sila og warning kung naay mamonitor nga increase sa waterlevel sa upland areas,” matud niini.
Giklaro sa hepe sa CDRRMO nga gipatuman na ang siren system sa ubang mga barangay apan adunay idugang ilabi na sa mga nagpuyo sa kadagatan.
Sa gipagulang impormasyon sa Office of the Civil Defense 11 (OCD-XI) hingpit nga ni-land fall si Tropical Depresssion Amang alas-8:00 sa Enero 20 sa gabii sa Siargao Island, Surigao del Norte.
Samtang gitataw ni Baluran nga makasinati og hinay nga pag-ulan and dakbayan sa Davao.
RadyoMaN Jason Amisola
