Teacher gitipi atubangan sa Simbahan
General Santos City—patay ang usa ka magtutudlo human kining gipusil sa wala pa mailhing suspetsado samtang kini anaa atubangan sa Evangelical Church nga nahimutang sa Purok Malok, Barangay Labangal.
Ang biktima nailhang si Nelly Salvador Sarmonet , 40 anyos, balo, residente sa may Chico St. Lote, Barangay Calumpang.
Subay sa report sa Makar Police Station nasuta nga alas 12:15 sa udto niadtong Domingo, nagsimba ang biktima sa simbahan. Paggawas niini kalit lang mibutho ang riding in tandem dayun pusil ang biktima duha ka higayon nga hinungdan sa iyang kamatayon.
Ayha ang pagpamusil, gilili pa sa suspek ang sulod sa iyahang sakyanan nga Montero Sport aron sa pag seguro kung naa ba sya sa sulod niini.
Nakaangkon og samad pinusilan sa mga nagkadaiyang parte sa lawas ang biktima hinungdan sa iyahang kamatayon.
Paspas nga misibat ang mga suspek sa wala sayring lugar, samtang ang biktima wala na nadala sa tambalanan human nakabsan gilayon ug kinabuhi.
Sumala sa wala magpailang pag-umangkon sa biktima nga aduna nay daang bahad sa iyang kinabuhi ang maestra, apan wala niini gibutyag kung unsay motibong ilang ginatan-aw kalabutan niini.
