Davao City – Mireklamo ang usa ka maestra sa Department of Education (DEPED) sa San Pedro PNP na si alyas Eden, minyo ug residente sa may Brgy. 9-A sa dihang matud pa gibungatan siya og dili maayong mga pulong nga gi-post sa social media.
Matud pa sa complainant nga atung Enero 22 ning kasamtangang tuig nga gi-post sa duha ka mga suspek nga sila si George Ann Longakit ug Katherin Longakit Ballesta, pulos hamtong ang pangidaron ug pulos residente sa Deca Homes Buhangin.
Nagapagawas matud pa og storya ang duha ka mga suspek nga nagkanayon nga usa kuno siya ka maestra nga di’ makamao mo-iningles, di makamao sa grammar, nagpakaulaw lang kuno siya sa buhatan sa DEPED ug usa kuno siya ‘kerida’.
Hinoon aminado man si alyas Eden nga dunay nahitabong wala pagkasinabtanay sa matag-usa ka pamilya apan sa mga pulong nga gipagawas sa maong mga suspek maoy nagtahag kaniya og dakung kaulaw ug ka dismaya sa iyang kabahin.
RadyoMaN Paul Canono
