Davao City – Andam na ang mga teachers sa pagsugod sa klase apan mag-agad usab sila sa Department of Education (DepEd) kung andam na ba kini sa bag-ong sistema o matang sa pagtudlo ilabi na nga dili pa face-to-face ang klase.
Sumala ni Reynaldo Pardillo, Alliance of Concerned Teachers (ACT) Davao City President, dili pa hingpit andam ang nasud alang sa gitawag nga modular and blended learning teaching modality alang sa atong mga estudyante.
Matud ni Pardillo, ninggula ang komon nga obserbasyon atol sa ilang rehearsal and orientation nga nagduha-duha pa sila sa kapabilidad sa sosyedad atol sa pagsugod sa klase duha ka semana gikan karon.
Malaumon hinoon si Pardillo nga makapagawas na og bakuna kontra COVID-19 ang estado aron ma-address ang kabalaka sa mga ginikanan sa seguridad sa ilang mga kabatan-onan diha sa ilang pagtungha ning panahon sa pandemic.
RadyoMaN Bernard Pantallon
