Davao City – Una paman hingpit misulod ang tuig 2019 laing usa ka sakop sa teroristang CPP-NPA-NDF ang mibalik sa sabakan sa gobyerno niadtong Disyembre 28 sa nakalabay’ng tuig.
Boluntaryong mitahan sa 71st Infantry Battalion Philippine Army ang usa ka team leader sa squad one sa Sub-Regional Committee 2 nga si alyas Wendell o alyas Dodong.
Bitibt ni Ka Wendell sa iyang pagsurrender kang IB Commander Lt.Col Estevelyn Ducusin ang iyang KG-9MM pistola nga dunay usa ka magazine.
Matod pa, si Ka Wendell narecruit matud pa sa usa ka alyas Joshua ug alyas Green Lee sa Sitio Singanan sa Barangay Libay-Libay sa Maco ComVal Province niadtong Oktubre tuig 2018.
Gisaysay pa niini nga mipaubos matud pa siya sa pambansang demokratikong paaralan sud sa 45 diyas diin ang mga nahimo niyang instructor mao sila Almira Pares alyas Alex, alyas Amihan, alyas Neck, alyas Raphy ug alyas Bea.
Nasayran nga siya usa sa nagdisarma sa portal guards sa tunnel nga iya ni Adonis Quijano sa Sitio Biasing Barangay Napnapan Pantukan.
Napugos og tahan si ka Wendell tungod sa mga nanurender nga natabangan sa kagamhanan karong panahona ug ang walay puas nga operasyon sa militar sa kabukiran sa ComVal Province.
Gumikan sa pagtahan ni Ka Wendell mas mihuyang pa ang armadong pwersa sa mga terorista nga kalaban sa katawhan ug sa demokrasya sa nasud.
Padayon nanawagan si Ducusin sa mga anaa pa sa kalihukan nga isalikway na ug mutahan na sa gobyerno samtang dili pa ulahi ang tanan.
RadyoMaN Joel Viray
