Davao City – Usa ka technician ang nasikop human nakuhaan og shabu sa kapolisan sa Sta Ana atol sa ilang gihimong surveillance and monitoring ala 1:45 sa hapon didto sa Purok 2, Barangay 76-A syudad sa Davao.
Base sa report gikan sa Sta Ana PNP, naila ang dinakpan nga usa ka Octavuis Oliver Buenconsejo, 44 anyos nagpuyo sa nahisgutang lugar.
Sumala pa sa dihang naglusad ang kapolisan og pagmonitor sa nasangpit nga lugar sa pagpanguna ni Sr.Police Officer 1 Cadenas didto naaktuhan ang suspek nga nagigtransak hinungdan nga dali kining naaresto sa kapolisan ug nakuhaan pa og laing pakete nga shabu gikan sa iyang posisyon sa dihang gikapkapan sa mga pulis.
Ang dinakpan nga si Buenconsejo balhug na Sta Ana PNP ug mag-atubang og kasong kalapasan sa Akta Republika 9165 Comprehensive Dangerous Drugs Act of 2002 ug gikatakda karong adlawa ipasaka ang kaso ngadto sa korte.
RadyoMaN Don Pulayao
