Davao City – Nag siga-siga, makalingaw sa mata ug siguradong maka-selfie gyod ka –kini mao ang Christmas Lights.
Usa kini sa pabulosong pamaagi aron mabutangan og ‘class’ ang atong modernong selebrasyon karong yuletide season.
Gikan sa mangit-ngit nga panan-awon, siguradong makaabot ka sa imong padulngan kung ikaw mosubay sa LUMINA: Walkway of Lights, nahimutang sa second floor sa Resorts World Manila.
Una ta mahidangat sa Davao, makahapit gayud ta sa gigantic Christmas tree nga dakong atraksyon matag Pasko sa Tagum City.
Wala man tuod dinhi sa atoa ang tallest Christmas tree apan bawi kaayo gumikan sa exaggerated decorations nga napuno og candy canes ang Davao City Hall. Karong tuiga, ‘Candy Land’ ang tema sa lokal nga panggamhanan.
Speaking of siga, ‘agaw-pansin’ kaayo ang dekorasyon sa Davao Light and Power Company sa may Ponciano Street, ning syudad diin sigurado nga makalinga gayud ka.
Swerte usab ang mga Dabawenyos gumikan kay giablihan ang usa ka Christmas Mansion sa Roseville Subdivision, Mamay Road, Davao City nga padayong ginadagsa sa katawhan tungod sa ka-attractive, sulit ug fascinating Christmas collections ug decorations.
Dili man susama kadako sa Christmas Mansion sa Roseville, puno man sad og gasiga-sigang dekorasyon ang usa ka special attraction sa may Villa Karina, Brgy. Baliok diin makita nimo ang neon-lights decoration nga giporma og mga symbolo sa Pasko.
Samtang sulod sa usa ka iladong mall dinhi sa Davao, sigurado nga ma-feel sa katawhan ang kapaskuhan tungod sa usa ka Ice Skating activity nga makalingaw bisan og ikaw lang nag tan-aw.
Mas mamahimong ‘merry’ gayud ang imong Christmas kung ikaw makalaag sa managkalahi nga ‘selfie-worthy’ ug ‘Instagrammable’ nga mga atraksyon dili lamang sa Davao kun dili sa tibuok nasud.
Dal-a ang imong entero pamilya ug mga barkada aron sulit ang inyong modernong selebrasyon karong ‘Techno Pasko 2017’!
RadyoMaN Jason Amisola
