Davao City – Gikabalak-an karon ang pagtaas sa numero sa kaso sa teenage pregnancy dinhi sa syudad sa Davao.
Sumala ni Dr. Gina Alvarez sa Philppine Obstetrical and Gynecological Society (POGS-Southern Mindanao), anaa na sa kapin 4,000 ang natala nga kaso sa teenage pregnancy sa Davao City.
Sa ilang record, moabot sa 212 ka mga kaso sa teenage prenancy ang nag-edad sa katorse pababa samtang 4, 521 ang natala nga nag edad 15-19 anyos diin natala ang dagkong kaso sa mga distrito sa Tugbok, Toril ug Mintal.
Gani subay sa pagsaulog sa International Day of Action for Women’s Health adunay ipahigayon ang POGS-Southern Mindanao kauban ang uban pang women’s group ug health offices og libreng pagpanerbisyo alang sa kababainhan partikular sa atong kabatan-onan.
Karong Mayo 28, 2018, adunay libreng Pap smear-VIA, pre-natal, services for family planning, ultrasound, OB Gyne consultation, HPV ug legal services diin ginalauman nila ang gatosan ka mga kabatan-onan ang motambong.
Awhag ni Alvarez ngadto sa mga ginikanan nga angay hisgutan ang sex education sa panimalay aron dili mapukaw ang curiosity sa ilang mga anak ug malikay sa maong nagataas nga kaso.
RadyoMaN Jason Amisola
