ILOILO City – Nagnubo ang numero sang teenage pregnancy sa syudad sang Iloilo sang 2017 kon ipaanggid sadtong 2016.
Sang 2017 nakarecord ang Iloilo City Population Office sang 583 ka teenage pregnancy cases.
Mas manubo ini sang 108 ka kaso ukon 15.6% gikan sa 691 ka mga kaso sang 2016.
Sa una nga quarter sang 2018, may 111 na ka teenage pregnancy cases nga narecord ang city population.
Ang teenage pregnancy ginatumod sang city population sa mga kababaehan nga nagabusong sa edad nga 10-19 years old.
Suno kay Mayor Jose Espinosa III ang pagnubo sang teenage pregnancy cases pamatuod lamang sang paghimakas sang syudad nga madala sa tadlong nga banas ang mga teenagers.
Suno kay City Population Program Officer III Rachel Lapascua sa karon ginapasanyog sang city population ang information education campaign sa mga pamatan-on angut sa katalgman nga tugahon sang lamharon nga pagbusong.
Photo from web
