Davao City – Aprubado ubos sa suspended rules sa regular session sa konseho ang resolusyon sa pag-request kang Davao City Mayor Sara Duterte-Carpio sa temporaryong pag-ban sa mga pork products dinhi sa syudad gikan sa entero Luzon ug uban pang lugar nga apektado sa African Swine Fever.
Sumala ni Committee on Agriculture chair Councilor Ralph Abella nga kini aron masiguradong walay makasulod nga African Swine Fever sa lungsod.
Subay usab niini usa ka resolusyon usab ang giduso sa temporaryong pagdili sa mga restaurants, food chains ug mga malls pagpamaligya ug pagpanghatag sa ilahang mga food waste o mga lamaw para ipakaon sa mga binuhing mga baboy.
Matud ni Abella paabuton nalamang karon ang ipagulang executive order sa mayor sa duha ka mga resolusyon kontra ASF para hingpit kining maiplementar sa dakbayan.
Ang ASF Task Force maoy nakatutok sa mga airports, sea ports ug uban pang mga boundaries sa lungsod sa paginspek ug pagsegurong walay makalusot nga mga karneng baboy gikan sa mga apektadong mga lugar sa ASF.
Gibutyag ni Abella hangtod sa wala pay deklarasyon ang Department of Agriculture nga ASF Free na ang mga pipila ka mga lugar sa nasud hugot kining ipatuman.
RadyoMaN Aimee Guinita
