Aron mas mapaspas pa ang pagtrabaho, gibahin ngadto saunom ka Areas ang temporary shelter site sa Barangay Sagonsongan, Marawi City, alang sa mga pamilya nga nahiklin gikan sa ilang mga panimalay tungod sa lima ka bulan nga gira tali sa tropa sa gobyerno ug sa Daesh-inspired Maute group.
Lima ka mga contractor ang dungan nga nagtrabaho niini.
Sa iyang briefing atol sa pagbisita ni Presidente Rodrigo Duterte dili pa lamang dugay, miingon si National Housing Authority General Manager Marcelino Escalada nga mas hapit na mahuman ang pagtrabaho sa matag contractors sa Areas 3 ug 4 nga kinahanglang makatukod og 110 ug 150ka mga balay.
Sa Area 1, kinahanglan, matud pa ni Escalada nga makatukod sila og 114 ka mga balay; sa Area 2, 219; Area 5A, 50; Area 5B, 160; ug Area 6, 346.
Sa site 1 pa lang, ang NHA, nga usa ka member -agency sa Task Force Bangon Marawi, nag- target nga makahumanog 1,149 ka mga balay sa umaabot nga Marso karong tuiga.
Ang Barangay Sagonsongan nahimutang 40 kilometro gikan sa Iligan City proper, 4.4 kilometers gikan sa Marawi CityHall ug 3.7 kilometers gikan sa ground zero on a straight line, matud pa sa NHA.
Ang matag temporary houses adunay sukod nga 22- square meter floor area nga naa 54- square meter lot area.
6,400 ka mga temporaryong balay ang buhaton sa NHA alang sa mga apektadong pamilya sa Marawi. (Divina M. Suson Marawi City Correspondent))
