Maga estudiante del Tugbungan Elementary School y maga residente del barrio ya sinti con el temprano Pascua despues el un antes pupil del escuela quien base ahora na America ya queda Santa Claus pormedio de dale canila regalo del Sabado.
Si Sali Singh casao con un Indian national quien ya gradua na Tugbungan Elementary School del año 1977, quien tambien ya gradua na Zamboanga City High School del 1981 y ya gradua na WMSU del 1985, hunto consu familia y cuantos del maga batch mates y otro maga stakeholders ya hace alegre con el mas de 300 maga pupils y mas de 200 maga pobre vivientes del barangay.
Junto con el escuela y barangay council del Tugbungan ya encabesa el Capitan si Abraham Rojas ya tene corto programa ya segui el destribucion del maga regalo como maga hygiene kits, chinelas, maga comida y manada pa otro.
Ya tene tambien libre curta pelo con medical and dental activities.
Todo este na porma del outreach program Di Mrs. Singh.
Encalor del maga recipiente, el Capitan del Barrio ya rendi miles de gracia con Mrs. Singh y conel otro maga stakeholders y donors del mencionao programa.
