Tendero ug bulad, gitulis

21

General Santos City—Igo nalang sa pagpatala sa buhatan sa Polomolok PNP ang usa ka negusyante ug buwad nga giilang si Rex Banquerigo, 37 anyos nga taga De Castro Subd., Barangay Cannery, Polomolok human kining gitulis sa wala mailhing suspetsado sa Purok Mutalib, Barangay Korondal Proper, Polomolok.

Subay sa sumbong sa biktima sa kapulisan, iyang gimanihuan ang iyang topdown, pag abot sa lugar, siya giharang sa unom ka mga tawo nga sakay sa motorsiklo. Gitiunan kini ug pusil dungan sa pagdeklara ug tulis.


Gikuha sa mga suspek ang kwarta sa biktima nga nagkantidad ug P8,000.00 apil ang baligya niining bulad nga nagkantidad ug P3,000.00.

Paspas nga misibat ang mga suspek sa wala sayring lugar, samtang ang biktima daling midangop sa kapulisan. Sa karon naghimo na ug makuting imbistigasyon ang Polomolok PNP kalabutan sa maong insidenti.

Facebook Comments

From Advertisers