Tensyon tali sa duha ka kooperatiba sa Multicab sa Barangay Mabuhay-nagpadayon

16

General Santos City—Nagpadayon gihapon ang tension tali sa duha ka transport Cooperative sa Multicab nga nagabyahian sa Barangay Mabuhay, Gensan nga mao ang Mabuhay Transport Cooperative (MATRANSCO) ug ang Metro Gensan Service Cooperative.

Sumala ni Roger Balayo Presidenti sa MATRANSCO nga ang prangkisang gigamit sa Metro Gensan Service Cooperative nga gipangunahan ni Orly sabilita, ilang prangkisa. Iyang gihingusgan nga ilang mga dukumento ang gigamit sa Metro Gensan Service Cooperative maong sila dapat ang angayang legal nga makapamasada sa Barangay Mabuhay.

Dungag pa niini nga sila na nuon karon ang kulurom gumikan giangkon na sa hingpit sa maong cooperatiba ang prangkisa nga dapat sila maoy nagagamit.

Sagad usab sa mga nagabyahe sa barangay Mabuhay nga miyembro sa Metro Gensan Transportation Service Cooperative dili mga residenti sa Barangay Mabuhay inay taga ubang Barangay.

Samtang todo depensa usab si Orly Sabilita sa akusasyon ni Balayo. Sumala niini nga adunay record sa ilang logbook nga matag meeting nila anaa ang presensya ni Balayo.

Nasayran nga kagahapong adlawa, nagwelga ang grupo sa MATRANSCO sa Barangay Mabuhay diin ilang giharangan ang mga miyembro sa Metro Gensan Transport Service Cooperative nga makasulod sa Barangay Mabuhay. Samtang kaganinang buntag laing tension na usab ang natigayon tali sa duha ka grupo.

Facebook Comments