Davao City – Giinspeksyon sa Land Transportation Franchising and Regulatory Board (LTFRB) Region XI ang terminals sa entero rehiyon aron masigurong luwas ang tanang mga mubyaheng commuters atol sa Kalag-kalag.
Sa interbyu sa DXDC RMN Davao kang LTFRB 11 Regional Director Nonito Llanos III, nakapasa ang tanang nainspeksyon nila nga mga bus sa Davao City Overland Transport Terminal (DCOTT).
Gi-intensify sa LTFRB XI ang Information and Education campaign aron malikayan ang mga disgrasya sa mga pampasaheruang sakyanan sulod ug gawas sa Davao Region.
Hugot usab nagpahimangno si Llanos sa mga drayber nga mutuman sa mga balaod trapiko ug susihon ang kondisyon sa ilang mga gimanehuang bus, taxi o vans una mubyahe.
Niapelar kini sa tanang mga van operators nga tumanon ang 60 kilometer radius nga gitugot kanila base sa permit. Nagpasidaan kini nga mamahimo nilang silotan ang mga malapasong operator o drayber.
RadyoMaN Aimee Guinita
