Ni Jay-ar M. Arante, RMN-DYKR Kalibo
Uwa it kamatuuran do mga naga-eapta nga balita nga may unang mga armadamong tawo nga naga pang baeay-baeay sa mga kabukiran nga lugar sa probinsya it Aklan.
Daya do ging klaro ni Police Chief Inspector Bernard Upano it APPO Chief of Police Intelligence Branch Provincial Anti-Illegal Task Group sa dayang istasyon matapos imaw makabaton ko nasambit nga report.
Suno kara padayon do anda nga gina ubrang validation ag raya hay puro eamang haka-haka nga naga resulta ko pagka-alarma ko mga tawo nga nakakabati kara.
Pero sambilog sa gina tan-aw nanda nga anggulo nga posibleng may una pero uwa eamang naga sugid do mga tawo dahil sa kahadlok kung sa siin gina hinyo gid nga kung matuod do report hay isugid sa police para mataw-an eagi it aksyon dahil kung indi suno kara sanda mag report hay uwa sanda it mahimo.
Sa makaron naga padayon do border checkpoint it katapo ko mga kapulisan sa Aklan sa Altavas, Nabas ag Buruangga kung sa siin daya hay gina ubra para indi makasueod sa Aklan ro mga naga baskog nga pwersa it New People’s Army (NPA).
Samtang nalipay man sanda sa PNP nga gina buligan sanda it Philippine Army para nga masoblar do problema sa terorismo agod nga maga padayon nga insurgency free ro Aklan.
