TESDA 2019 Northern Mindanao Regional Skills Competition, gibuksan

40
PC: RadyoMaN Jonathan Bullo

Pormal nang gibuksan sa Technical Education and Skills Development Authority o TESDA ang 2019 Northern Mindanao Regional Skills Competition kaganihang mga alas dos sa hapon sa Cagayan De Oro (Bugo) School of Arts and Trade.

 

Ang Opening Ceremony gisaksihan nilang Misamis Oriental Governor Bambi Emano, City Councilor Suzette Daba nga maoy mihimo sa Cutting of Competition Chain, TESDA Provincial Director John D. Simborios sa Camiguin, TESDA Provincial Director El Cid H. Castillo sa Lanao del Norte, Marigold Cherie Garrido ang Regional Operation Division Chief R-10 ug Angelo Carreon Mamay ang TESDA Ambassador sa Region 10.


 

Ang opisyal nga kompetisyon himoon ugmang adlawa sa siyam ka mga Trade Areas diin kining mga Trade Areas naglangkob na sa Automobile Technology, Electronic Technology, Electrical Installation, Welding Technology, IT Network Administration, Refrigeration and Air Conditioning, Mechatronics, Restaurant Services ug Cooking.

 

Nasayran nga ang Restaurant Service, Automobile Technology, Welding Technology ug Electronics Technology himoon sa COBSAT, ang Electrical Installation ug Refrigeration and Air Conditioning himoon sa Tagoloan, Misamis Oriental Regional Training Center, ang Cooking himoon sa Culinary Institute of CDOC, ang Mechatronics himoon sa Iligan MSU/IIT ug ang IT Network Administration himoon sa Iligan Computer Institute/ Bugo, CDOC branch.

 

Mosalmot sa kompetisyon ang lima ka probinsya sa Rehiyon 10 nga mao ang Lanao del Norte, Misamis Occidental, Misamis Oriental, Camiguin ug Bukidnon.

 

Ang mahimong mananaog maoy mo representar sa Rehiyon sa Zonal and National Competition samtang ang mahimong national winners mao na usab dayon ang morepresentar sa nasud sa ASEAN competition ug ubang kompetisyon nga himoon sa Russia sunod tuig.

Facebook Comments

From Advertisers