Davao City – Prayoridad karon sa Technical Education and Skills Development Authority (TESDA) ang construction programs alang sa katawhan sa Rehiyon 11.
Atol sa gipahigayong Kapehan sa Dabaw, gibutyag ni TESDA XI Regional Director Engr. Lorenzo Macapili nga motanyag ug pakusgan nilla ang mga tech-voc courses sama sa welding, masonry, carpentry, heavy equipment, tile setting ug uban pa.
Base kini sa ilang gipahigayong survey sa lima ka mga barangay sa Bo. Obrero dinhi sa Davao City sa milabay’ng semana diin migula nga in-demand ang kursong construction gani aminado kini nga adunay kakulangon og mga pribadong sector aron makig-alayon kanila ug masolusyonan ang problema sa construction sector.
“TESDA can’t stand alone. We need help and assistance from our partners especially from the private sectors,” segun niini.
Sa pikas bahin, giawhag sa TESDA Regional Director ang Technical Vocational Education Training (TVET) graduates nga motambong ug mopartisipar sa pinakaunang World Cafe of Opportunities nga mahinayon sa Davao Convention and Trade Center uban ang mga pribadong kompaniya diin ubay-ubay ka mga trabaho ang itanyag ug kapin 1000 ka mga partisipante ang ilang gina-ekspektar.
RadyoMaN Jason Amisola
