Davao City – Andam motabang ang Technical Education and Skills Development Authority (TESDA-XI) sa mga Overseas Filipino Workers (OFW) skilled workers kung mobalik sila sa Kuwait.
Sumala ni TESDA-XI information officer Mafel Gamale, usa sa ilang ihatag nga tabang mao ang libreng skills training ilabi na niadtong gikan sa Kuwait.
Gani matud ni Gamale, diha pa lang daan sa Bangoy International Airport ning syudad, duna nay mga personahe sa TESDA nga mosugat aron mo-ayuda sa mga OFW nga gikan sa Kuwait aron matabangan.
Usa sa gihimo karon sa TESDA alang sa seguridad usab sa mga manarbaho sa laing kanasuran mao ang pagtudlo sa ‘language and culture’ sa usa ka lugar diin didto sila manarbaho aron dili maglisud sa pagkig-istorya ug pag-ila sa ilang kultura.
Sa pikas bahin, dili gyud una tugotan pagbalik ang mga OFW sa Kuwait hangtud dili nila i-respeto ang mga trabahanteng Pilipino sumala ni Prof. Adrian Tamayo sa University of Mindanao-Institute of Popular Opinion (UM-IPO)
RadyoMaN Bernard Pantallon
