Pagadian City – Subling nang apod apod kagahapong adlawa ang mga personahe sa Technical Education Skills Development Authority (TESDA) Zamboanga del Sur sa ilang gipreparar nga food packs.
Target sa buhatan nga matabangan mao mga displaced workers ug uban pang membro sa priority sector.
Agi na usab kinig pagsanong sa kamanduan ni TESDA Secretary Isidro Lapeña nga ipadayag ang bayanihan spirit pinaagi sa pagpanghatag ug ayuda ngadto sa mga nagkinahanglan.
Lakip sa nahatdan sa maong mga food packs mao ang pipila ka mga Pagadianon, sama sa Garbage Collectors ug pipila ka mga Construction Workers -mga panday sa Barangay Tiguma, mga mag uuma sa Barangay Tawagan Sur, mga mananagat, Tricycle/ habal-habal Drivers, Maintenance Man sa Barangay Muricay.
Nakadawat usab sa nasangpit nga food packs gikan sa TESDA Zambo Sur ang mga Construction Laborers, Security Guard, Farm workers, Coconut Sap Harvester, Single/solo parents, balo, ug Senior Citizens sa Barangay Bomba ug Poloyagan nga sakop ning syudad.Ang nasangpit nga food pack naglangkob sa tag 3 ka kilo nga bugas humay, de lata, noodles, kape, asukar ug uban pang mga magamit sa inadlaw adlaw.
Malaumon ang TESDA nga pinaagi niining ginagmay nga hinabang, mapadayag ang gugma ug bayanihan sa usag usa.
(Photo credit to Tesda Zamboanga del Sur)
